(أنت امرايتي)24/2/018
اهيا الخوت
اتهلاو تابعانا الموت
اصبر كل شي يهون
كل شي يتنسا
كل شي يفوت
البشر آ الخوت
اتجيه الموت
يموت مشموت
اشنو يطرا
لصرط اتفادى
اشنو يطرا
لگال الحمد لله
على هاد القدرة
هنا كاينة المعنى
من هنا تفيض لخميرة
اتحل البصيرة
هادي اخصايل ناس الخير
تعرفو بالنظرة وجهو ناير
تشكي عليه همك
يفهمك بكلام زين يصبرك
يتفاجا حالك تهدأ ليعتك
ناس الشر
بالنظرة تعرفو
وجهو امكشبر
يدني الفاخر
تلگا العافية شاعلة
ماهو الا مجمر فاگر زاهر
فكر في هاد لكلام مزيان
اقرا سيرة النبي العدنان
اقرا تمعن في القرآن
لمعرفتيها
سول عليها اهلها
كل واحد فينا
في الدنيا
لاعب دورو
الدنيا مسرحية
كل واحد
لاعب دورو
بلا ماتكبر
على خوك اتحگرو
كل واحد منا
عارف عيبو
حاس بضرو
لا معرف من لقراب
ينبهوه لبعاد
كلنا الخوت
كلنا أصحاب
لاتكحلها
اتگول هادا مكتاب
كل ماعملتيه
امسجل في كتاب
تعرف الحقيقة
يوم الحشر يوم الحساب
راجع نفسك
اصلح جرتك ربنا تواب
ياك احنا الخوت واصحاب
ابعيبي نبهني
نصلح جرتي
مع لخالقني
انت هو امرايتي
ولا انسيتي
المسلم مرإة اخيه
انزيدو عليها
لاتعانديه نبهيه
اصبر ليه لكان امقلق
يبرد عقلو يولي ليه
هدا حالنا واحنا الماليه
ماتقولو هدا المثل
لعما ولا اتلف سير خليه
هدا هو التخراف
لمصدقينو معاملن بيه
تيگولو ميك انساه ميك عليه
اهيا الخوت
اتهلاو تابعانا الموت
اصبر كل شي يهون
كل شي يتنسا
كل شي يفوت
بقلمي محمدالبراقي الحسناوي
ليست هناك تعليقات:
إرسال تعليق